Agisem Tay Pay

Agisem Tay Pay

Napanak met nagpasiar
Bareng no agungar
Nabayagen a di nagpasgar
Panunot di nausar

Ni Nanang innak nasabat
Nasexy nalapsat
Kumarengkeng kas dayag
Agkidday pay di makitak

Idi met sumakayak ti van
Adda met baro-a-balasang
Dandani na metten magammatan
Kakaisuna nga ab-abbongan

Idi innakon bumaba
Batog ti Luneta
Aguungo agiinnarakupda
Ubing,balasang,baket ken bakla,

Unayen aya menor de edad kaka
Aggartemda metten aya
Isu nga ubbing agsisikogda
Isu a rumigat kasasaad ita,

Nataliawko manen bagas a lako
Apay ngayen nagkandalokoloko
NFA nagangkatda kano
Isuna laeng ta binukbok pagayamko

Bagas nangina latta
Awan shortage inda ikunkuna
Ngem apay ta dida mapababa
Kumarkaro pay a nguminngina

Tila adda a mapanpanunoten
Innak manla ket agbuya auditionen
Star Hunt gayam ita nga aldawen
Bareng no madiskubredak metten.

Kunak met laeng dayta
Ading,manong ken kaka
Nasariwawek panunot ita
Sikan a nakaaliwaksay a nagpaiduma.