Arapaap A Napasag

Arapaap A Napasag

Kasla katno laeng daydi
Addaka a siiisem 'toy arpad
Kuman,basketbol ken pagadalan,
Sika ti ragsak,ray-aw ni Inang
A mangtagibi,mangital-o pagbiagan
Apag darikmat nagbanag maysa a pagteng
Naranggas narasuk ti panawen
Iti kannag,init saanen a dumteng
Burayok kanalbuong a nasaem.
Nakailad awanan ikamen
Nadarepespes nalabaga a likido
Agraman ruot,daga ken bato,
Nabugak narnekan a rabii
Mangegan allangugan sangit-saning-i
Um-umkis agsagsagaba iti suli
Hustisia iririaw inna ipakpakaasi
Anakna kayatnanto met mangibagi
Linteg nga inugmokan agin-aari.
Naibingas dawel a kinamaag
Manggibus anges,inabel a nilabag
Agalimpatok nakakinkintayeg a pasamak
Kinasarantam maduktalandakan a napasag
Ta iti aramid a dimpulos ginandat
Ipabaklayda kaniam a siuunnat!

#Mario "yong" Dela Cruz
#Cabarroguis Quirino
#October 15 2018
#1:43 PM
#PHILIPPINES