Iran Ti Panawen

''Itan Iti Panawen''
[[Mario Yong Dela Cruz [[

Rugiakon a rumiken
Dagiti sagaba ken tuok
Nga inyapon ti napalabas
A nangparasi toy rikna
A makibalubal ti sagubanit
Ipuruakkon dagiti nasusuon
A ladingit ken pannakapaay
Iti nagan dagiti arapaap
Nga umay umabrasa ita a tawen
Sabatek ngarud iti nakaisem a raya diay init,
Mangipasimudaag nga adda
maluluom a namnama
Kalpasan iti panaglinek ti init a makapungpungtot,
Wen itan,itan iti panawen
Nga ikalika iti lipat
Nabayagen a gabgaboranka ti lua
Ngem apay ta makaruk-atka latta.
Dagiti sabong agayamuomdan
A kas man la manggargari toy rikna
Ket iti talakitik iti tudo matnag
Kaipapanan a makipagladingit
It Iangit.
Urayek ngarud iti inka panagukrad.
Bareng no sikan tay masirpat
A mangiwallages iti liday a nakaibaludak.
Iti sappuyot dagiti isem
Makapabang-ar barukong
A mangted ragsak nga agnanayonen.