Iyapirasko Man Toy Marikrikna

''Iyapirasko Man Toy' Marikrikna''
[[[Mario Yong Dela Cruz[[[

Nabayagkon a sapsapolen
Iti rimat dagiti bituen
A mangselnag iti sipnget
A nangikuspel ken nangidadanes
Ita akasekon dagiti lagip
Tapnon dinto rumsua
Ket maitabon dagiti nabatbati a rurog
Rugrog ti liday,ladingit ken tuok.
Iyaplagko a siiisem
Dagiti dalan ni gasat
A mamagbaliw rikna
Ken mangsappuyot iti kinadamsak
Ta panawenen nga agsubli
Iti nabalud a ragsak
Mangbuangay iti isem
A dinto pulos agdaanen.
Iyapirasko toy marikrikna
A nabayagen a gumawgawawa,
Gapo iti dawel a nangduprak,
Iyasugko ngarud saning-i toy marikrikna
Mangwallages ken mangukop
Iti linglingay,rag-o ken tuok