Katnoakpay A Matay No Diak Iasaraksarak
Katnoakpay A Matay No Diak Isaraksarak?
Nasarangsang dagiti ellek,katkatawa a mangegak,duray kasta nga adalemen ti rabii.Siniripko iti tawa babaen iti regkang.Ni gayam Kulas a madama iti tunggada kadagiti kataebanna.Awan langanna nga agitungguab iti naingel nga arak Tay aw-awaganda marka demonyo.Kunam no danum ti pamay-anna.Agayos iti karabukobna a kunam no samsam-itenna ti pait ken ingel iti nasao nga arak.
Inyiladko ulit Ket idi gamdek iti maturog.Nangegak ti asawana a ni Bellang."Lakay husto daytan rabiin,kababain kadagiti karruba" iti naisawang ti naud-udi."Ukininam a babai,dika latta apan maturogen,weno agpapaaremka kadagitoy kainumak!"Nakatintineng dayta a nangegak a puon metten iti inda panagsubang.Nabuak dagiti kainumanna a kunam no bunar a nawara.Bimmangunak ket simmiripak manen iti regkang idi mangegak nga agririawen Ni Bellang.Ingguyodguyod daytoy Ni Kulas,Sana nirisayrisay ti badona.Maasiak ngem awan iti maaramidak ta apa iti agassawa.
Iti kabigatanna kasla awan napasamak.Mayat manen iti linnangen dagiti agassawa.Gagangayna daytay kunam no natuktokan a bisukol no saan a nakatumar iti agua de pataranta.Sabagay adu dagiti kakasta a tattao,a kunam no kukuadan ti lubongen no naayusanen iti karabukobda ti nasanger.Ken nagtarayen kadagiti ururatda.
Nagawidak malem ti Dominggo.Adayoak paylang mangegakun dagiti ariwawada,agkakanat nga istoria ken awan agpaudi kadakuada.Lumiklikak koma ngem awan sabali a pagnaak no di ti paraanganda.Nataldiapannak ket inayabannak nga itagayko."Umayka pay ,itagaymo pay"Dayta iti inyebkasna.Pinagustoak lattan tapno awan met maibagbana.Kasta ngamin no dadduma iti pakaalaan iti riri.Ta adu ngamin dagiti nakainum nga akikid iti panagpanpanunotdan.No dim napagustoan ta inawisdaka.Kasla insulto kadakuada.Ket ditanto metten a dangrandaka.Dayta iti nagtaray ditoy panunotko nga insigida.Agarup uppat a four-by-four iti natumbadan idinto ta talloda laeng.Nagpabongga laeng Kano gayam ni Kulas ta pimmarti iti dua a patona a pulutanda.Sa inyalaan met Ni kumparena a Romy iti uppat a four-by-four.Umayla koma bumulod iti Arado ti naud-udi.Ngem gapu ta nagargari a ket nagsasangodan.Adu met iti kasta dagitay napalangguad no sabsabali a tao,papartiparti kadagiti dinguenna.Ngem dina met maipartian dagiti pamiliana.Rimmuar Ni Bellang a madama nga aglutluto iti pangmalemda."Lakay husto met daytan.Ket Ney kumidarto manen dayta "kidney'm".Ania ket Ni baketen.Katnoaktopay ngay a matay no diak isaraksarak.Sana binulonan kadagiti nasarangsang a paggaak."A ket bahalaka a Dita" insungbat met Ni Bellang.Sa nagbiragsot a pimmanaw.
Kasta a kasta ti pasamak.Inum ditoy,inum di diay iti kukuaen Ni Ankel kulas.Arigna kunam no maib-ibusan ti arak iti aginaldaw.Awan liway daytoy ,mapabigat,maparabii.Tay mabainsan a mausawan.Saan met ngarud a mangmangan no kasta a diretso nga agin-inum.No ket ibagada a husto daytan ta agsakitka.Kunam no pagaayatna pay iti sumungbat.Katnoak ngay a matay no diak isaraksarak.
Adu dagiti kastoy a nalalastog a tattao no napigsadapay.Ngem no nagsakitdan amin a Santo makararagandan.
Maysa a parbangon saan a makaidna Ni Kulas."Baket intanto man diay doktor no bigat".Ney apay ngay Lakay iyalaanka lattan a iti agua de pataranta"Nagdumog sana inbaga iti marikriknana.Diak makaibleng ken dara ti isbukon Baket" Saan a mailadawan ti rupa Ni Kulas iti panangiyebkasna."Sige ketdi lakay aginumkapay,katnoka ngay a matay no dim isaraksarak!"Iti sungbat ti asawana nga adda panangbabalaw.
Kabigatanna nasapada a nagpelles ket tinurongda iti Quirino General Hospital.
Apag isu adda iti doktor ket tinamingda a dagus."Misis Sika ti asawa ti pasyente?" Damag iti doktor."Wen dok." Insungbat nga insigida Ni Bellang."Saanka a makmaklaat Misis a,babaen kadagiti X-ray,ECG ken daddumapay a laboratory test.Nakaron iti sakit Ni lakaymo ket nagkumplikasyunen dagitoy.Napirdin iti agsumbangir a kidney-na,nagdanum ken dandani metten ma-clear ti barana,sa Adda nakitamin a buttaw ti bagisna".Ania man nga oras,aldaw,bulan ken tawen mabalinen a diyunto isunan makadenna."Iti naalumanay nga inbinsabinsa ti doktor.
Mario "Yong" Dela Cruz
Cabarroguis Quirino
Nasarangsang dagiti ellek,katkatawa a mangegak,duray kasta nga adalemen ti rabii.Siniripko iti tawa babaen iti regkang.Ni gayam Kulas a madama iti tunggada kadagiti kataebanna.Awan langanna nga agitungguab iti naingel nga arak Tay aw-awaganda marka demonyo.Kunam no danum ti pamay-anna.Agayos iti karabukobna a kunam no samsam-itenna ti pait ken ingel iti nasao nga arak.
Inyiladko ulit Ket idi gamdek iti maturog.Nangegak ti asawana a ni Bellang."Lakay husto daytan rabiin,kababain kadagiti karruba" iti naisawang ti naud-udi."Ukininam a babai,dika latta apan maturogen,weno agpapaaremka kadagitoy kainumak!"Nakatintineng dayta a nangegak a puon metten iti inda panagsubang.Nabuak dagiti kainumanna a kunam no bunar a nawara.Bimmangunak ket simmiripak manen iti regkang idi mangegak nga agririawen Ni Bellang.Ingguyodguyod daytoy Ni Kulas,Sana nirisayrisay ti badona.Maasiak ngem awan iti maaramidak ta apa iti agassawa.
Iti kabigatanna kasla awan napasamak.Mayat manen iti linnangen dagiti agassawa.Gagangayna daytay kunam no natuktokan a bisukol no saan a nakatumar iti agua de pataranta.Sabagay adu dagiti kakasta a tattao,a kunam no kukuadan ti lubongen no naayusanen iti karabukobda ti nasanger.Ken nagtarayen kadagiti ururatda.
Nagawidak malem ti Dominggo.Adayoak paylang mangegakun dagiti ariwawada,agkakanat nga istoria ken awan agpaudi kadakuada.Lumiklikak koma ngem awan sabali a pagnaak no di ti paraanganda.Nataldiapannak ket inayabannak nga itagayko."Umayka pay ,itagaymo pay"Dayta iti inyebkasna.Pinagustoak lattan tapno awan met maibagbana.Kasta ngamin no dadduma iti pakaalaan iti riri.Ta adu ngamin dagiti nakainum nga akikid iti panagpanpanunotdan.No dim napagustoan ta inawisdaka.Kasla insulto kadakuada.Ket ditanto metten a dangrandaka.Dayta iti nagtaray ditoy panunotko nga insigida.Agarup uppat a four-by-four iti natumbadan idinto ta talloda laeng.Nagpabongga laeng Kano gayam ni Kulas ta pimmarti iti dua a patona a pulutanda.Sa inyalaan met Ni kumparena a Romy iti uppat a four-by-four.Umayla koma bumulod iti Arado ti naud-udi.Ngem gapu ta nagargari a ket nagsasangodan.Adu met iti kasta dagitay napalangguad no sabsabali a tao,papartiparti kadagiti dinguenna.Ngem dina met maipartian dagiti pamiliana.Rimmuar Ni Bellang a madama nga aglutluto iti pangmalemda."Lakay husto met daytan.Ket Ney kumidarto manen dayta "kidney'm".Ania ket Ni baketen.Katnoaktopay ngay a matay no diak isaraksarak.Sana binulonan kadagiti nasarangsang a paggaak."A ket bahalaka a Dita" insungbat met Ni Bellang.Sa nagbiragsot a pimmanaw.
Kasta a kasta ti pasamak.Inum ditoy,inum di diay iti kukuaen Ni Ankel kulas.Arigna kunam no maib-ibusan ti arak iti aginaldaw.Awan liway daytoy ,mapabigat,maparabii.Tay mabainsan a mausawan.Saan met ngarud a mangmangan no kasta a diretso nga agin-inum.No ket ibagada a husto daytan ta agsakitka.Kunam no pagaayatna pay iti sumungbat.Katnoak ngay a matay no diak isaraksarak.
Adu dagiti kastoy a nalalastog a tattao no napigsadapay.Ngem no nagsakitdan amin a Santo makararagandan.
Maysa a parbangon saan a makaidna Ni Kulas."Baket intanto man diay doktor no bigat".Ney apay ngay Lakay iyalaanka lattan a iti agua de pataranta"Nagdumog sana inbaga iti marikriknana.Diak makaibleng ken dara ti isbukon Baket" Saan a mailadawan ti rupa Ni Kulas iti panangiyebkasna."Sige ketdi lakay aginumkapay,katnoka ngay a matay no dim isaraksarak!"Iti sungbat ti asawana nga adda panangbabalaw.
Kabigatanna nasapada a nagpelles ket tinurongda iti Quirino General Hospital.
Apag isu adda iti doktor ket tinamingda a dagus."Misis Sika ti asawa ti pasyente?" Damag iti doktor."Wen dok." Insungbat nga insigida Ni Bellang."Saanka a makmaklaat Misis a,babaen kadagiti X-ray,ECG ken daddumapay a laboratory test.Nakaron iti sakit Ni lakaymo ket nagkumplikasyunen dagitoy.Napirdin iti agsumbangir a kidney-na,nagdanum ken dandani metten ma-clear ti barana,sa Adda nakitamin a buttaw ti bagisna".Ania man nga oras,aldaw,bulan ken tawen mabalinen a diyunto isunan makadenna."Iti naalumanay nga inbinsabinsa ti doktor.
Mario "Yong" Dela Cruz
Cabarroguis Quirino
Comments
Post a Comment