Laksidenkan Ipatpateg

Laksidenkan Ipatpateg

Nabayag la idin
Nga inka inur-uray
Kadagiti sirok ti kayo
Nga inta nagpariiran
Nangsangalan dagiti arapaap
Arapaap a kineltay ti panawen
Naawan maris ket nagdaan
Dagiti naraboy a ragsak
Nga inta buinangay
Dinuprak iti allawig
Amin ket napasag
Agraman kari a siak Ken sika
Agkibinto ingganat' maudi
Ngem Iti naunday a panawen
Siak ket siak latta iti nagsagaba
Idinto Ta rag-o inka kadenna
Ala palubosankan nga agaliwaksay
Itabonkon iti lipat
Toy marikrikna Ken sika
Tapno umallatiw metten iti agsapa
Ta nabayagen a rabii
Ditoy paggargarawan a lubongko
Nagsardengen a nagtedted
Iti tubbog toy mata
Nalabit a naparkanganen iti tikag
Ket nabannog metten ngata,
Ala palubosankan ipatpateg
Dikanton tawagan weno itxt,
Ta ammok dinakton sublianan
Ket inton agurnoston toy saka
Sapay koma Ta addakanto a sikikita
Iti kuarto a siak laeng iti nakaidda.

December 21 2016
Cabarroguis Quirino