Last Trip
"Last Trip"
Agririaw dagiti tattao idi dandani maidungpar ti naglugananda a bus.Iti masabatda met laeng a bus."Ania ket iti danagyon aya.Siak pay ti umuna a maisagmak sakbay a dakayo;"
Dayta iti naisem a kasla mangbuisit a sao ti agmanmaneho.Isuna Ni Lagro,kasalsaltana pay laeng a driver iti maysa a dakkel a Bus Company iti siudad iti San Fernando,La Union.Addaan asawa Ken tallo nga anak. Agnaed idiay Naguilian La Union.Kabarbaraanna nga agmaneho ta agarup 38 na pay laeng.Kabanbanuaganna la unay."Kunam Lang dayta ta saanmo pay napadasan ti naaksidente!" Iti sungbat iti maysa a lalaki nga adda iti malikudan ti driver.A dandani saan makapagteppel iti itsurana."No kayatmon iti matay saannakami nga iramraman!" Iti pukkaw pay iti maysa a babae iti malikudan.Kadawyan a kakasta iti reklamo Ken mangmangeg Ni Lagro kadagiti pasaherona isu a kasla awan kaniana dagitan,manhid kunada ngaruden.Iyaleng-alengna lattan a, ania ngay ngarud,gagangayna met iti agpataray ti napartak,aglalo no adda kainnagawna a sumarsaruno ken kuana.Ngem pordios no awan ka kumpetensiana, nabunbuntog pay ngem tay last trip.Atay mapan makipamunpon.Isu nga adu iti maasar ken mabuisit no isun ti malugananda.
Bigat iti Dominggo,idi masapada nga agluas agpa-San Fernando,ta isu ti rutana,San Fernando-Dagupan,Dagupan-San Fernando.Kaduana ti asawana ken ti bunsoda.Nagtugawda iti malikudan Ni Lagro.Nadawi dagiti pasahero kadayta a bigat.Ta malaksid kadagiti apan makigimong,addapay dagiti apan makitienda,ken dagiti apan agbaliodong.Tay kunada ngaruden iti tagalog "araw ng mga sikat"."Lakay saanmo a paspasan iti agpataray" Dayta iti naalumanay nga inyebkas ti asawana a madlaw nga adda nerbiosna."Ania ket Ni baketen,dika kadi agdandanag,pulido 'toy asawam"Dayta iti naisem nga insungbat ni Lagro.Adda met dagiti pasahero nga agdadayamudom.Gapo iti paspasna nga agpataray,santo manen nakabunbuntog.No adda la koma sakit iti puso dagiti pasahero naatakedan.Asidegdan iti merkado idi agiikkis dagiti pasahero.Dandani gayam nakaatal ti lakay.Napia kunam ta napigsa pay laeng iti preno ti bus,isu a saanna a nadungpar,agasemta nagadayo iti naguyasan ti bus.Nagsardeng ni Lagro,nagdardaras a bummaba iti bus,ket isupay iti adda ganasna a makaunget."Diyunto met kitkitaen ti dalanyo a bumallasiw!"Dayta iti inyebkas na a pabugkaw iti lakay.".Nakamirduot ti lakay ket kunana."Alwadan barok baka daytoyen ti last tripmo" Kabayatanna, nagdardaras metla nga immuli iti bus Ni Lagro,idi agangay,awan metten ti lakay a dandanina naatalan itay.Kasla angin a nagpukaw lattan iti masanguananna.Dakkel a burburtia iti nailawat ti lakay ken Lagro.Nga isu iti pampanunotenna agingga a nakagtengda iti siudad ti San Fernando.Agingga idi agpa Dagupanda saan a maiwaksi iti isipna iti nadakamat ti lakay.
Kabayatanna,Adda naisakayna a nakapanes.Dua a babai nga agarup kataebanna iti maysa.Iti met maysa ket addan edadna,agarup singkuenta na siguron weno nasursurokpay.Nalawag a mangeganna iti tungtongan ti dua ta medio napigsa met iti bosesda."Ania Aya iti napasamak Ken Tatang" damag iti ub-ubing nga agar-arubos ti luana nga agsasaennek."Naatalan iti napegges unay ti tarayna a bus! Idi kanikadua nga aldaw,idiay agpa San Fernando"
Sa naganug-og ti bakbaket.Agkalinduosan iti kakasla balatong Ni Lagro kadayta a nangeganna.Agsisilpo iti pampanunotenna Ken damagna ti bagina."Saan ngata nga atay naatalan idi kanikadua ket isu metla tay dandanik naatalan itay.Tay agwarawara laengen a kararuana" Sumgar Ni Lagro kadayta a pampanunotenna.Saan latta a maiwaksi iti panunotna tay nadakamat iti lakay.Bimmaban dagiti dua a babbai a nakapanes iti Ili ti Rosario.Idi agangay,agririawen dagiti pasahero ta maidungpardan iti dakkel a puon iti akasia.Nabaringkuas Ni Lagro ngem dinan malapdan iti pannakaidungparda.Awan mamaay ti "driver side".nga ayanna.Adu dagiti pasahero a nadangran.Ngem maymaysa laeng iti "dead on the spot".
Apagsipasip idi agawid Ni Lagro,ket nasabatna ti lakay."Kunakto met barok nga agannadka,anangay ita di agpadatan."Ania kayatyo a saoen Tatang?" Iti damag Ni Lagro."Inikkanka itay ti partaang ngem inyaleng-alengmo.Naituladkan kaniak nga addan ditoy nagkaysa a biag." Ti palawag iti lakay."Saan nga agpayso daytoy,tagtagainep Lang daytoy!" Iti nabagas a sarita Ni Lagro.Nagtartaray a nagawid idiay balayda.Nawaya a matannawaganna ti balayda ta agarup limagasut a metro laeng iti kaadayona.Santo pay nalayang ta awan makaykayo kadagiti aglawlaw.Adda masirmatana a damara ken agkakaribuso dagiti tattao.Madungdungparna ida ngem dida isuna makitkita.Napegges nga immuneg ket nakitana ti nakamansayag.Isuna,awan mintis.Mangmangegna iti tungtongan Ni baketna ken Ni Inangna.Ngem pulos a saanda mangeg isuna."Daydiay gayamen iti last tripko.Ket pakawanennak Diosko ta diak inkankano iti partaangmo.Alaennak kadin dita saklangmo.Ket dim baybay-an dagiti naulilak".#
Mario "Yong" Dela Cruz
Cabarroguis Quirino
Agririaw dagiti tattao idi dandani maidungpar ti naglugananda a bus.Iti masabatda met laeng a bus."Ania ket iti danagyon aya.Siak pay ti umuna a maisagmak sakbay a dakayo;"
Dayta iti naisem a kasla mangbuisit a sao ti agmanmaneho.Isuna Ni Lagro,kasalsaltana pay laeng a driver iti maysa a dakkel a Bus Company iti siudad iti San Fernando,La Union.Addaan asawa Ken tallo nga anak. Agnaed idiay Naguilian La Union.Kabarbaraanna nga agmaneho ta agarup 38 na pay laeng.Kabanbanuaganna la unay."Kunam Lang dayta ta saanmo pay napadasan ti naaksidente!" Iti sungbat iti maysa a lalaki nga adda iti malikudan ti driver.A dandani saan makapagteppel iti itsurana."No kayatmon iti matay saannakami nga iramraman!" Iti pukkaw pay iti maysa a babae iti malikudan.Kadawyan a kakasta iti reklamo Ken mangmangeg Ni Lagro kadagiti pasaherona isu a kasla awan kaniana dagitan,manhid kunada ngaruden.Iyaleng-alengna lattan a, ania ngay ngarud,gagangayna met iti agpataray ti napartak,aglalo no adda kainnagawna a sumarsaruno ken kuana.Ngem pordios no awan ka kumpetensiana, nabunbuntog pay ngem tay last trip.Atay mapan makipamunpon.Isu nga adu iti maasar ken mabuisit no isun ti malugananda.
Bigat iti Dominggo,idi masapada nga agluas agpa-San Fernando,ta isu ti rutana,San Fernando-Dagupan,Dagupan-San Fernando.Kaduana ti asawana ken ti bunsoda.Nagtugawda iti malikudan Ni Lagro.Nadawi dagiti pasahero kadayta a bigat.Ta malaksid kadagiti apan makigimong,addapay dagiti apan makitienda,ken dagiti apan agbaliodong.Tay kunada ngaruden iti tagalog "araw ng mga sikat"."Lakay saanmo a paspasan iti agpataray" Dayta iti naalumanay nga inyebkas ti asawana a madlaw nga adda nerbiosna."Ania ket Ni baketen,dika kadi agdandanag,pulido 'toy asawam"Dayta iti naisem nga insungbat ni Lagro.Adda met dagiti pasahero nga agdadayamudom.Gapo iti paspasna nga agpataray,santo manen nakabunbuntog.No adda la koma sakit iti puso dagiti pasahero naatakedan.Asidegdan iti merkado idi agiikkis dagiti pasahero.Dandani gayam nakaatal ti lakay.Napia kunam ta napigsa pay laeng iti preno ti bus,isu a saanna a nadungpar,agasemta nagadayo iti naguyasan ti bus.Nagsardeng ni Lagro,nagdardaras a bummaba iti bus,ket isupay iti adda ganasna a makaunget."Diyunto met kitkitaen ti dalanyo a bumallasiw!"Dayta iti inyebkas na a pabugkaw iti lakay.".Nakamirduot ti lakay ket kunana."Alwadan barok baka daytoyen ti last tripmo" Kabayatanna, nagdardaras metla nga immuli iti bus Ni Lagro,idi agangay,awan metten ti lakay a dandanina naatalan itay.Kasla angin a nagpukaw lattan iti masanguananna.Dakkel a burburtia iti nailawat ti lakay ken Lagro.Nga isu iti pampanunotenna agingga a nakagtengda iti siudad ti San Fernando.Agingga idi agpa Dagupanda saan a maiwaksi iti isipna iti nadakamat ti lakay.
Kabayatanna,Adda naisakayna a nakapanes.Dua a babai nga agarup kataebanna iti maysa.Iti met maysa ket addan edadna,agarup singkuenta na siguron weno nasursurokpay.Nalawag a mangeganna iti tungtongan ti dua ta medio napigsa met iti bosesda."Ania Aya iti napasamak Ken Tatang" damag iti ub-ubing nga agar-arubos ti luana nga agsasaennek."Naatalan iti napegges unay ti tarayna a bus! Idi kanikadua nga aldaw,idiay agpa San Fernando"
Sa naganug-og ti bakbaket.Agkalinduosan iti kakasla balatong Ni Lagro kadayta a nangeganna.Agsisilpo iti pampanunotenna Ken damagna ti bagina."Saan ngata nga atay naatalan idi kanikadua ket isu metla tay dandanik naatalan itay.Tay agwarawara laengen a kararuana" Sumgar Ni Lagro kadayta a pampanunotenna.Saan latta a maiwaksi iti panunotna tay nadakamat iti lakay.Bimmaban dagiti dua a babbai a nakapanes iti Ili ti Rosario.Idi agangay,agririawen dagiti pasahero ta maidungpardan iti dakkel a puon iti akasia.Nabaringkuas Ni Lagro ngem dinan malapdan iti pannakaidungparda.Awan mamaay ti "driver side".nga ayanna.Adu dagiti pasahero a nadangran.Ngem maymaysa laeng iti "dead on the spot".
Apagsipasip idi agawid Ni Lagro,ket nasabatna ti lakay."Kunakto met barok nga agannadka,anangay ita di agpadatan."Ania kayatyo a saoen Tatang?" Iti damag Ni Lagro."Inikkanka itay ti partaang ngem inyaleng-alengmo.Naituladkan kaniak nga addan ditoy nagkaysa a biag." Ti palawag iti lakay."Saan nga agpayso daytoy,tagtagainep Lang daytoy!" Iti nabagas a sarita Ni Lagro.Nagtartaray a nagawid idiay balayda.Nawaya a matannawaganna ti balayda ta agarup limagasut a metro laeng iti kaadayona.Santo pay nalayang ta awan makaykayo kadagiti aglawlaw.Adda masirmatana a damara ken agkakaribuso dagiti tattao.Madungdungparna ida ngem dida isuna makitkita.Napegges nga immuneg ket nakitana ti nakamansayag.Isuna,awan mintis.Mangmangegna iti tungtongan Ni baketna ken Ni Inangna.Ngem pulos a saanda mangeg isuna."Daydiay gayamen iti last tripko.Ket pakawanennak Diosko ta diak inkankano iti partaangmo.Alaennak kadin dita saklangmo.Ket dim baybay-an dagiti naulilak".#
Mario "Yong" Dela Cruz
Cabarroguis Quirino
Comments
Post a Comment