Naatap A Kararua

Naatap A Kararua

Agsipud ta naasidegak
Kadagiti managayat
Kanayonkan a mangsipsipot kaniak
Dita  metten a lawatka a lawat
Kalyem pay nga umuna
Sakbayka a mangiwayat
Dagiti tiradam nga awan met sirbina
Kasla tinungro a saba
Awan ipanpanakkelna
No di  'tay kina dakkelna
Nababaak laeng no idilig kenka
Agilaka a nangato tayabna
Ngem ammok mabannog kanto latta
Ket kasapolam ti aginana
Dagiti nababa isunton mangsippaw kenka
No maysa nga aldaw pinalsiitandaka
Asino pay iti ammom a kaniam mangilala
No di met laeng dagiti inlupit lupitmo nga asideg kenka
Rumusbokto met laeng ti pammateg
Duray anay ket nagramaramen iti asideg
Adu man a puso a binalitungeg
Ngem no ayat nangdalapos inda met dumngeg
Saankan a masdaaw no maminsan naatap ta kararua
Ta siningdanannakan ni kina maag
Nag pay turayka kas manla bulag
Ngem makakita met iti amin a banag
Ripiripem man dagita aksawmo
Baka adda met inka naikulbo
Sikanto metla iti maipasubo
Agraman dagiti saringitmo
Tandaanam nga amin ket agbaliw
Iti kinaimbag saanka kadi mailiw
Saanka payen nga agling-et ken agliwliw!

January 29 2014
10:19 A.M.