Supapak Iti Kinamaag Nga Ayat

Supapak Iti Kinamaag Nga Ayat

Ala kitaem inka sirigen
No umno met laeng
Iti aksaw ken ar-aramidem
Ta di mon patien
Ipatpategmo a mangirurumen,
Nabolsekkan apagsampaga nga ayat
Ta Iti kinagulib ,kinamaag
Pampanuynoyam latta ayat,
Dika mamati kadagiti kabadom
Ta padpadaksen dayta ti ammom
Ikalkalukardaka nga agrigrigat
Ta natgedam agdiretso balay ti ragsak
Sadino man a pinalangguadan ti arak
Agpaay koma kadagiti saringitmo
Saan ta matikaganda magango,
Urayem kadi nga agkallautangda
Napatpateg ti puonmi nga agub-ubra
Ngem dakami a saringitna
Kadagiti bagida indanton ikunkuna,
Ayanna iti nam-ay panagdaliasatna,
Na comatose a washing machine
Natukkol nga elektrik fan
Nakuppit a rice cooker
Naguyod nga ispiker
A puro maikadua nga ima
Isu a nabiit a napirdida,
Urayem dagiti amor a dinton matnag
Ket sumukatton nga agtudo ti mata
Ta dagiti nagbannogam awan mamaayna,
Ta rakrakto aminen ta panay met naggappo junk shop aya,
Iwarasmo ta panagkitam
Lukagem ta panunotmo,
Masakbayan dagiti saringitmo,
Isu iti ikalukarmo
Saan ket nga iti ipatpategmo a naigamer ti bisio.
Ta iti supapakna agrigat laeng dagiti bunga ti ayan ayatyo.