Supapak Iti Sangkapirgis A Pirak

Supapak Iti Sangkapirgis A Pirak Agkakaribuso dagiti tattao iti Barangay Pukawpukaw.Gapo ta adda kano agibunbunong ti pirak.Adda kano ti makannawan iti Mayor a ni Kapitan Bulay-og nga isu iti nadutukan nga agiwaras tapno ibotosda ni Mayor Dimapagtalkan.Inkurimedda tapno saan a maammoan ti kaadduan.Ngem gapota saan met a malapdan dagiti sayanggusing isu nga inarak dagiti bumaranggay.Sidedengngeg Ni Manang Kariñosa idi madama nga agbitbitla Ni Mayor Dimapagtalkan.Ni Manang Kariñosa ket maysa laeng kadagiti bumaranggay nga agilaklako iti botosna.Saan met ida a mababalaw ti kinarigat ti biag isu a mailakoda ti botosda. Addaan iti dua nga anak Ni Pun ken Dido.Dua tawenen a nabalo.Gapo ta sangir met ti asawana a daydi Dios-Ti-Aluadna a Manong Kariñoso.Isu metten iti pakaigappuan iti ipupusayna.Agtawen met ni Pun iti 20 awanan asawa ken mannalon kasta met kinni Dido agtawen desi-otso saan a nakaadal gapu ta baliodong.Isu a padadan a mannalon kinni kuyangna. Nakaalada iti sangaribo ket limagasut a pesos nga agiina.Limagasut iti maysa kadakuada ken maysa laeng dayta a bayad ti pulitiko.Isu nga aduntopay iti agsangpet a pirak dayta iti Adda iti kapanunotanda. Kabayatanna,Inton siakto iti mangabak a Mayor dikayto pulos liplipatan.Padur-asentayo daytoy baranggayyo.Libre nga agas para kadagiti marigrigat. (Napipigsa dagiti palakpak a nangbuak iti kinaulimek ti aglawlaw).Pababaentayo dagiti presio iti pang-agrikultura.Ipasementokto amin a kalsada ditoy tapno iti kasta nadardaras iti panangibiaheyo kadagiti produktoyo idiay pagudongan.Ala ngarud kastan ket sapay koma ta didakto liplipatan inton kaaldawan iti binnalubal.Agyamanak kailian. Nadanon kaaldawan ti eleksion Ni Mayor Dimapagtalkan iti nangabak a Mayor.Awanan mintis ta sinigurado dagiti kaaliadona a mawarasan amin iti kuarta dagiti kabaranggayanda.Agasemta nakabusbos iti di nasursurok ngem lima a milion.Isu a dakkel iti pammatina nga isu iti agtakem.Ta asino metla ngamin iti kalabanna aya.Ni Mister Kuripot a taga Baranggay Bulataw,duray no kasta adu met iti mangayat kenkuana nga agbalin a Mayor,Ta nasingpet,managtulong,asideg kadagiti mannalon ngem adda la kurkuripotna.Isu a napagkebbana met Ni Mayor Dimapagtalkan.Ngem awanen iti mabalinan inngaton iti taga Comelec iti imana.Isunan iti agtakem,isunan iti adda ti bileg,Isunan iti Mayor. Nagtultuloy ti panagtulid ti aldaw.Simmangbay iti nakana nga allawig kadayta nga Ili.Maysa iti balayda Manang Kariñosa a napalalo a naduprak.Agasemta naitayab ti bubong iti balayda.Iti met kabangibang a baranggay.Nargaay met ti kakaisuna a rangtay a pagnaanda.Gapo iti naapres unay a panagsurong ti danum kadayta a karayan.Tuok la ngarud iti nilak-am dagiti taga Barangay Kaunasan.Agproblema Ni Kapitan Istong gapo kadayta.Ta marigatandan nga agiruar kadagiti prudoktoda.Maysa met Ni Kapitan Istong a nangilako iti botosna idi agraman dagiti kabaranggayanna.Ta isupay a mismo iti nangiwaras ti nasao a gatad.Tapno ibotosda laeng Ni Dimapagtalkan agdman a Mayor iti dayta nga Ili. Iti maysa a bigat agdudupudop dagiti tattao a mapan idiay ofisina Ni Mayor ta apanda agpatulong.Nakaunada Manang Kariñosa ken Kapitan Istong gapota sinapsapada iti napan.Agasemta addapay riwriwetna nirugiandan ti nagdaliasat.Kas sipud Ken gagangay a ket ibagada iti nagnaganda sakbay a makastrekda iti ofisinana.Naggiddan a sumrek Ni Kapitan Istong ken Manang Kariñosa.Mayat iti puesto ti Mayor,nakangato ti sakana iti lamisaanna.Sa mayat iti papayubyobanna. "Ania iti masapolyo appo Kapitan Istong?" Damag ti Mayor a kunam no pabugtak sa naalumanay met iti murdongna."Umayak koma dumawat ti tulongyo Mayor,ta diay rangtaymi ket nilamot metten a naminpinsan iti karayan.Marigatankami a mangiruar kadagiti produktomi a kakaisuna a sobra ti allawig ket saan la a dayta marigatan pay dagiti istudiante a sumrek gapo iti napirdi a rangtay."Iti dandanin di agpusagsat a panangilawlawag Ni Kapitan Istong."Tulong?Napirdi diay rangtay?No siak awan maitulongko kadakayo!.Kalkalpas ti balubal ket ammoyo met ngata a sumurok kumurang a Lima a milion iti ginastok.Saanko pay a nabawi agingga ita."Iti nangato a boses ti Mayor."Sika met Manang ania met kasapolam?agpatulongka met? Idi husto koma a sumungbat Ni Manang Kariñosa."Awan a pulos iti maitulongko kadakayo.Naitedkon iti pannakabingbingayyo idi panagpipili.Daydiayen iti tulongko!."Dagiti agsasagadsad a sermon Ken Adda karamannan nga unget ti Mayor.Rimuar dagiti dua a nakadumog a nalpay ti abagada.Kaslada ice cream a maluslusaw iti kainaran iti panagriknada iti bagbagida.Ket naibagada iti bagbagida.Diak la koman inaw-at tay sangkapirgis a pirak a kastoy met gayam iti inna isupapak.# Mario "Yong" Dela Cruz Cabarroguis Quirino